Azərbaycan şahmatçısı Teymur Rəcəbov Çempionlar Turunun "Opera Euro Rapid" adlanan üçüncü mərhələsinin yarımfinalında növbəti görüşlərini keçirib.
İlk oyun günündə ABŞ təmsilçisi Uesli Soya 1,5:2,5 hesabı ilə uduzan qrossmeysterimiz ikinci görüşün ilk iki partiyasını heç-heçə başa vurduqdan və növbəti partiyada məğlub olduqdan sonra finala çıxmaq şansını itirib.
Rəcəbov bu gün 3-cü yer uğrunda mübarizə aparacaq. O, fransalı Maksim Vaşye-Laqravla üz-üzə gələcək. Finalda isə norveçli dünya çempionu Maqnus Karlsenlə Uesli So qarşılaşacaq.
Turnirin ümumi mükafat fondu 100 min ABŞ dollarıdır. Qalib 30 min dollar qazanacaq.