UEFA Çempionlar Liqasında yarımfinal mərhələsinə yekun vurulub. Nüfuzlu turnirin ikinci finalçısı da İngiltərədə bəlli olub.
"Çelsi" və "Real Madrid" cavab görüşündə üz-üzə gəliblər. İlk oyunda 1:1 hesablı heç-heçə qeydə alındığından Londondakı matça maraq böyük idi.
İtaliyalı FIFA referisi Daniele Orsatonun idarə etdiyi qarşılaşmada "Çelsi" 2:0 hesablı qələbə qazanaraq finala yüksəlib.
"Çelsi"nin finaldakı rəqibi İngiltərənin digər klubu "Mançester Siti" olacaq. Həlledici qarşılaşma mayın 29-da Türkiyənin İstanbul şəhərində oynanılacaq.
UEFA Çempionlar Liqası, yarımfinal
Cavab oyunu
"Çelsi" (İngiltərə) - "Real Madrid" (İspaniya) - 2:0
Qollar: Timo Verner, 28, Meyson Maunt, 85
İlk oyun - 1:1