Bu gün Azərbaycan Premyer Liqasında VIII tura yekun vurulacaq. İkinci oyun günündə keçirilməsi nəzərdə tutulan qarşılaşmalardan biri artıq başa çatıb.
İki paytaxt təmsilçisi - “Neftçi” və “Zirə” "Bakcell Arena"da üz-üzə gəlib. İlk dövrədə Zirədə təşkil olunan matçda meydan sahibləri minimal hesabla üstün olmuşdular.
Bu dəfə "Neftçi" qələbəni bayram edən tərəf olub. "Ağ-qaralar" 3 xalı 3 cavabsız qolla qazanıblar və turnir cədvəlində "Keşlə"ni geridə qoyaraq ikinci pilləyə yüksəliblər.
Qeyd edək ki, turun ilk oyun gündə "Qarabağ" "Qəbələ" ilə, "Keşlə" isə "Sabah"la 1:1 hesablı heç-heçə edib.
Azərbaycan Premyer Liqası
VIII tur
20 oktyabr
“Neftçi” – “Zirə” - 3:0
Qollar: D.Federiko, 27. B.Dabo, 46. S.Monroz, 77.
Hakimlər: Rövşən Rəcəbov, Zeynal Zeynalov, Cavanşir Yusifov, Rauf Allahverdiyev.
“Bakcell Arena”