news-details
Xəbərlər

İspaniya və Fransa xal itirdi, Almaniya qalib gəldi

Bu gün Avropa çempionatının qrup mərhələsində II tura yekun vurulub. Oyunlardan ikisi F, biri isə E qrupunda oynanılıb.

Günün ilk matçı F qrupunda Macarıstan və Fransa yığmaları arasında olub. Macarıstanın paytaxtı Budapeştdəki "Puşkaş Arena"da keçirilən qarşılaşmada Fransa qələbə qazanacağı təqdirdə 1/8 final mərhələsinə vəsiqəni təmin edəcəkdi. Ancaq oyun 1:1 hesabı ilə yekunlaşıb.

Qrupun digər görüşündə son çempion Portuqaliya Almaniya ilə üz-üzə gəlib. Münhendəki eyniadlı stadionda keçirilən oyunda Portuqaliya güclü rəqibinə qalib gəlsəydi, növbəti mərhələyə vəsiqə qazanacaqdı. Amma 6 qolun vurulduğu görüşdə sevinən tərəf Bundestim olub.

Günün son matçı E qrupunda təşkil edilib. Sevilya şəhərindəki "Estadio La Kartuxa" stadionunda İspaniya millisi Polşa ilə qarşılaşıb. Matçda qalib müəyyənləşməyib.

AVRO-2020, II tur

F qrupu

Macarıstan - Fransa - 1:1
Qollar: A.Fiola, 45+2 – A.Qrizmann, 66.
Baş hakim: Maykl Oliver (İngiltərə)
Budapeşt. "Puşkaş Arena"

Portuqaliya - Almaniya - 2:4
Qollar: Ronaldu, 15, Jota, 67 - Diaş, 35 (avtoqol), Qerreyro, 39 (avtoqol), Haverts, 51, Qosens, 60
Baş hakim: Entoni Teylor (İngiltərə)
Münhen. "Münhen Arena"

E qrupu

İspaniya - Polşa - 1:1
Qollar: Morata, 25 - Levandovski, 54
Baş hakim: Daniele Orsato (İtaliya)
Sevilya. "Estadio La Cartuxa" stadionu

Digər xəbərlər