Cümə 29.03.2024

Konfrans Liqası: "Qarabağ" pley-offda

Konfrans Liqası: "Qarabağ" pley-offda

"Qarabağ" bu gün UEFA Avropa Konfrans Liqasının III təsnifat mərhələsində cavab oyununa çıxıb.

Ağdam təmsilçisi Tofiq Bəhramov adına Respublika stadionunda Kiprin AEL komandası ilə qarşılaşıb. Saat 20:00-da başlayan görüşü estoniyalı FIFA referisi Kristo Tover idarə edib.

Kiprdəki ilk matçda 1:1 hesablı heç-heçə qeydə alınmışdı. Bu dəfə oyunun taleyini bir qol həll edib. "Qarabağ" görüşün sonlarında vurduğu qolla mərhələ adlayıb.

"Qarabağ" pley-offda Şotlandiya təmsilçisi "Aberdin"lə üz-üzə gələcək.

UEFA Avropa Konfrans Liqası

III təsnifat mərhələsi, cavab oyunu

"Qarabağ" - AEL (Kipr) - 1:0
Qol: K.Malinovski, 87
Hakimlər: Kristo Tover, Silver Koyv, Step Klaasen, Karl Koppel (Estoniya)
Bakı. Tofiq Bəhramov adına Respublika Stadionu
İlk oyun - 1:1