Bu gün Azərbaycan Premyer Liqasında ilk tura yekun vurulub. Son oyun günündə də iki qarşılaşma keçirilib.
Günün ilk matçı Zirədə yerli komanda ilə ötən mövsümün gümüş mükafatçısı "Qarabağ" arasında olub. Oyun 1:1 hesabı ilə yekunlaşıb.
Tura son çempion "Neftçi"nin oyunu ilə yekun vurulub. "Ağ-qaralar" "Bakcell Arena"da "Qəbələ" ilə münasibətlərinə aydınlıq gətirib. Bu qarşılaşmda da qalib müəyyənləşməyib.
Turun ilk oyun günündə "Sabah" "Səbail"ə, "Keşlə" "Sumqayıt"a məğlub olub.
Azərbaycan Premyer Liqası
I tur
15 avqust (bazar)
“Zirə” – “Qarabağ” - 1:1
Qollar: T.Xəlilzadə, 50-pen – İ.İbrahimli, 18.
Hakimlər: Rauf Cabarov, Namiq Hüseynov, Cavanşir Yusifov, Rauf Allahverdiyev
Hakim-inspektor: İmanxan Sultani
AFFA nümayəndəsi: İlham Əliyev
Zirə İdman Kompleksinin stadionu.
“Neftçi” –“ Qəbələ” - 2:2
Qollar: F.Muradbəyli, 55. V.Stankoviç, 76 – İ.Alimi, 67-pen. Ü.İsgəndərov, 84.
Hakimlər: Elçin Məsiyev, Elşad Abdullayev, Cəmil Quliyev, Əliyar Ağayev
Hakim-inspektor: Anar Salmanov
AFFA nümayəndəsi: Seymur Səlimli
“Bakcell Arena”.