2020-ci ildə təşkil olunacaq futzal üzrə dünya çempionatının əsas mərhələsi çərçivəsində Azərbaycan milli komandası bu gün ilk oyununu keçirib. Joze Alesio Da Silvanın rəhbərlik etdiyi kollektiv Moldova ilə qarşılaşıb.
Bakı İdman Sarayında keçirilən görüşdə hesabı qonaqlar açsa da, millimiz 3 qol vuraraq əzmkar qələbəyə sevinib.
Yığma komandamızın yer aldığı qrupun digər oyununda bu gün Slovakiya Monteneqro ilə qarşılaşıb və 5:0 hesabıyla qalib gəlib.
DÇ-2020-nin əsas mərhələsi
23 oktyabr
Azərbaycan – Moldova 3:1
Qollar: T.M.Tyaqo, 11:32; 34:40. Vassura, 32:49 - A.Luşka, 07:15.
Qırmızı vərəqə: İ.Atayev, 23:34.
Hakimlər: Andrey Çerni (Çexiya), İngus Purinş (Latviya), İngo Heemsot (Almaniya)
Hakim-inspektor: Qalan Nyeto Pedro Anxel (İspaniya)
UEFA nümayəndəsi: Assem Kujanova (Qazaxıstan).