Bu gün Azərbaycan Premyer Liqasında IX tura start verilib. İlk oyun günündə iki qarşılaşma keçirilib.
Turun açılış matçında "Zirə" "Keşlə"ni qəbul edib. Bu, komandaların Premyer Liqada 25-ci dueli olub. Meydan sahibləri 2 cavabsız qolla qələbə qazanıb.
Turun mərkəzi oyununda isə turnir cədvəlinin şərikli liderləri olan "Qarabağ" və "Neftçi" üz-üzə gəlib. Əzəli rəqiblər indiyədək Azərbaycan çempionatları tarixində 84 dəfə qarşılaşıblar. Bunların 31-də Ağdam təmsilçisi, 23-də "ağ-qaralar" qələbə qazanıb. 30 matç isə heç-heçə ilə başa çatıb.
85-ci qarşılaşmada isə "Qarabağ" qalib gəlib. Qurban Qurbanovun çalışdırdığı kollektiv 3 xalı 4 qolla aktivinə yazdıraraq turnir cədvəlində vahid lider olub.
IX turun "Qəbələ" - "Sabah" və "Sumqayıt" - "Səbail" qarşılaşmaları oktyabrın 31-də olacaq.
Azərbaycan Premyer Liqası, IX tur
30 oktyabr (şənbə)
“Zirə” – “Keşlə” - 2:0
Qollar: L.Broqno, 17. A.Ramazanov, 42
Hakimlər: Rəşad Əhmədov, Cavanşir Yusifov, Eyyub İbrahimov, Kamal Umudlu
Hakim-inspektor: İmanxan Sultani
AFFA nümayəndəsi: Aslan Şahgəldiyev
Zirə İdman Kompleksinin stadionu
“Qarabağ” – “Neftçi” - 4:0
Qollar: F.Ozobiç, 10; 23-pen. A.Zubir, 14. M.Veşoviç, 90+2.
Hakimlər: Əliyar Ağayev, Akif Əmirəli, Müslüm Əliyev, Vüqar Həsənli
Hakim-inspektor: Ömər Paşayev
AFFA nümayəndəsi: Seymur Səlimli
“Azersun Arena”