Bu gün Azərbaycan Premyer Liqasında XIV tura yekun vurulub. Qış fasiləsi öncəsi sonuncu tur iki oyunla başa çatıb.
Autsayder "Səbail" "Sabah"ı qəbul edib. Komandalar indiyənədək çempionatda 12 dəfə üz-üzə gəlmişdilər. Bunların 5-də "dənizçilər", 4-də qonaqlar qələbə qazanmışdı. 3 qarşılaşmada isə heç-heçə qeydə alınmışdı. Budəfəki görüşdə "Sabah" 3 cavabsız qolla qalib gəlib.
Turun son matçında lider "Qarabağ" "Zirə"ni qəbul edib. Premyer Liqadakı əvvəlki 24 matçın heç birində "Zirə" qələbə qazana bilməyib. 16 görüşdə "köhlən atlar" qələbə qazanıbsa, 8 dueldə qalib müəyyənləşməyib. Bugünkü matçda sevinən tərəf yenə Ağdam klubu olub.
İlk oyun günündə "Qəbələ" evdə "Neftçi" ilə 1:1 hesablı heç-heçə edib, "Sumqayıt" isə "Keşlə"yə uduzub - 1:3.
Azərbaycan Premyer Liqası
XIV tur
16 dekabr (cümə axşamı)
“Səbail” – “Sabah” - 0:3
Qollar: C.L.Mikels, 33. C.Nuriyev, 46. X.Kamara, 90+4
Hakimlər: Elçin Məsiyev, Elşad Abdullayev, Pərvin Talıbov, Kamranbəy Rəhimov
Hakim-inspektor: Orxan Məmmədov
AFFA nümayəndəsi: Bəhram Qurbanov
“ASCO Arena”.
“Qarabağ” – “Zirə” - 2:0
Qollar: M.Qurbanlı, 6; 53
Hakimlər: Rəvan Həmzəzadə, Cəmil Quliyev, Qəzənfər Məmmədov, İnqilab Məmmədov
Hakim-inspektor: Gülağa Cabarov
AFFA nümayəndəsi: Elgiz Abbasov
“Azersun Arena”.