Bu gün futzal üzrə Azərbaycan millisi beynəlxalq yoldaşlıq oyununda qüvvəsini sınayıb.
Joze Alesio da Silvanın çalışdırdığı yığma komandamız Bakıda Ukrayna seçməsi ilə üz-üzə gəlib. FHN-in İdman-Sağlamlıq mərkəzində təşkil olunan matç qonaqların 4:0 hesablı qələbəsi ilə yekunlaşıb.
Azarkeşlər üçün qapalı olan qarşılaşma "CBC Sport" telekanalı ilə canlı yayımlanıb. Görüşü azərbaycanlı FIFA referiləriləri idarə edib.
Komandalar arasında ikinci qarşılaşma sabah saat 18:00-da başlanacaq. Həmin görüş də "CBC Sport"un canlı efirində olacaq.
Beynəlxalq yoldaşlıq oyunu
18 dekabr
Azərbaycan – Ukrayna - 0:4
Qollar: Petro Şoturma, 5:07, Mixaylo Zvariç, 11:44, Fineo De Araujo, 24:59 (ö/q), Mikola Biloçerkiveç, 38:53
Qırmızı vərəqə: Bolinya, 4:55 (kobud oyuna görə)
Hakimlər: Knyaz Əmiraslanov, Hikmət Qafarlı, Əli Cəbrayılov
Timekeeper: Ziya Nəsirov
FHN-in İdman-Sağlamlıq Mərkəzi