news-details
Xəbərlər

Avropa çempionatı: futzal millimiz İspaniya ilə heç-heçə etdi

Futzal üzrə Azərbaycan milli komandası Niderlandda keçirilən Avropa çempionatında növbəti oyununa çıxıb.

Joze Alesio Da Silvanın çalışdırdığı komanda D qrupundakı ikinci sınağında İspaniya seçməsi ilə qarşılaşıb. Qroningen şəhərindəki "Martini Plaza"da oynanılan qarşılaşmanı portuqaliyalı Migel Kastilyu idarə edib.

Qrupun digər oyununda Bosniya Herseqovina üzərində 2:1 hesablı qələbə qazanan Gürcüstan millisi isə 1/4 finala vəsiqəni təmin edib.

Millimiz qrupda ilk xalını qazanıb və 3-cü pillədə qərarlaşıb. Xallarını 4-ə çatdıran İspaniya 2-cidir. Azərbaycan yığması qrupdan çıxmaq üçün son turda Bosniya Herseqovinaya böyük hesabla qallib gəlməlidir, eyni zamanda İspaniyanın Gürcüstana uduzmasını gözləməlidir.

Avropa çempionatı

D qrupu, II tur

26 yanvar

İspaniya - Azərbaycan - 2:2

Qollar: Raul Qomez, 11:28, Lozano, 30:01 - Lozano, 9:16 (ö/q), İsa Atayev, 16:38

Baş hakim: Migel Kastilyu (Portuqaliya)

Qroningen. "Martini Plaza"

Digər xəbərlər