news-details
Xəbərlər

Azərbaycan Kuboku: "Keşlə" qalib gəlib, "Qarabağ"a rəqib oldu

Bu gün Azərbaycan Kubokunda 1/8 final mərhələsinə start verilib. İlk oyun günündə bir görüş təşkil olunub.

Mövsümün açılış matçında “Keşlə” “Kəpəz”lə üz-üzə gəlib. Elita təmsilçisi bu görüşün aşkar favoriti hesab olunurdu. Dörd qolun qeydə alındığı qarşılaşma məhz paytaxt təmsilçisinin xeyrinə bitib və növbəti mərhələyə vəsiqə qazanıb. Bununla "Keşlə" 1/4 finalda "Qarabağ"a rəqib olub.

Qeyd edək ki, bu mərhələnin “Sabah” – “Ağsu”, “Zirə” – “Qaradağ Lökbatan” və “Sumqayıt” – “Zaqatala” qarşılaşmaları sabah keçiriləcək.

Azərbaycan Kuboku

1/8 final

3 dekabr

“Keşlə” – “Kəpəz” - 3:1

Qollar: Ruslan Əmircanov, 25; Xəzər Mahmudov, 56, 87 - Nodar Məmmədov, 45+3

Hakimlər: Rauf Allahverdiyev, Elşad Abdullayev, Rahil Ramazanov, Rəvan Həmzəzadə.

“ASCO Arena”

Digər xəbərlər