Qadın voleybolçularımız Olimpiya təsnifat turnirində ikinci oyununa çıxıb. Rəqib bundan öncə keçirdiyi hər iki matçda məğlub olan Bolqarıstan yığması idi.
Başabaş mübarizə şəraitində ilk setdə qızlarımız 23-25 uduzublar. Növbəti hissədə bolqarlar daha asan qələbə qazanıb: 25-19. Millimiz üçüncü hissədə uduzuluan setlərdən birininin əvəzini çıxıb: 25-21. Lakin dördüncü set sonuncu olub. Belə ki, 25-22 üstün olan Bolqarıstan matçdan 3-1 hesablı qələbə ilə ayrılıb.
A qrupunun digər görüşündə Polşa Hollandiyanı 3-1 məğlub edib. Bununla da millimiz qrupdan çıxmaq şanslarını itirib. Komandamız formal xarakteri daşıyan sonuncu oyununu bu gün Polşaya qarşı keçirəcək. Saat 23:00-da start götürəcək matç “CBC Sport”la canlı yayımlanacaq.
Qeyd edək ki, turnirin qalibi Tokiyo Yay Olimpiya Oyunlarına vəsiqə qazanacaq.