Çimərlik futbolu üzrə Azərbaycan milli komandasının kapitanı Asif Zeynalov koronavirusla mübarizəyə qoşulub.
Bu barədə AFFA-nın rəsmi "Facebook" səhifəsi xəbər yayıb:
"Çimərlik futbolu üzrə milli komandamızın kapitanı Asif Zeynalovun timsalında "Covid-19"-la mübarizədə canlı sipər olan bütün görünməz qəhrəmanlara təşəkkür edirik!"
Çimərlik futbolu ilə yanaşı, Fövqəladə Hallar Nazirliyində xilasedici işləyən 37 yaşlı yarımmüdafiəçi karantində olan insanların təcrid rejiminə əməl etmələrinə nəzarət edir.