news-details
Xəbərlər

Rayan Giqqz: "Çalışacağıq ki, rəqibin əks-hücumlarına imkan verməyək"

Uels millisinin baş məşqçisi Rayan Giqqz sabah Azərbaycan millisi ilə Kardiff şəhərində keçirəcəkləri AVRO-2020-nin seçmə mərhələ matçından əvvəl mətbuat konfransı keçirib. Mütəxəssis bu görüşdə qələbə qazanmağın vacibliyinə toxunub:

"İki məğlubiyyətimiz olub. Ona görə də bu görüşdə qələbə bizim üçün çox önəmlidir. Ev matçlarında qalib gəlməliyik. İlk görüşümüz də evdə idi. Azarkeşlər bizə yaxşı dəstək verirlər.

Heyətlə bağlı ciddi problem yoxdur. Yalnız Ben Vudbern özünü yaxşı hiss etmirdi. Oyun günü baxacağıq. Beyl lider kimi kapitan olmağa layiqdir. Onun qol vurmasını çox istəyirik. Çünki bu zaman özünəinam hissi artır.

Digər futbolçularımızın da öz potensiallarını göstərəcəklərinə inanırıq. Ben Devislə danışmışam, özünü çox yaxşı hiss edir. Həmçinin Nil Teylor da son görüşlərdə iştirak edib. Hər ikisi təcrübəlidir. Onlara güvənirik".

Giqqz Azərbaycan millisi ilə bağlı da təəssüratlarını bölüşüb: "Rəqibimizin çox istedadlı oyunçuları var. Xüsusən də Riçard Almeydanı qeyd edərdim. Rəqibin əks-hücumlarına hazırlaşmışıq. Çalışacağıq ki, buna imkan verməyək.

Sağ və sol cinah müdafiəçiləri də çox sürətlidirlər. Biz Azərbaycanın Xorvatiya ilə oyununu əsas götürmüşük. Bundan əvvəl iki məğlubiyyətimiz olub. Bu oyun bizim üçün çox önəmlidir. Əvvəllər düşünürdülər ki, Xorvatiya və Uels favortidir. Lakin Macarıstan da müsbət nəticələr qazanır. Ağır qrupdayıq".

Qeyd edək ki, sentyabrın 6-da Uels və Azərbaycan yığmaları arasında Kardiff şəhər stadionunda keçiriləcək matç Bakı vaxtı ilə saat 22:45-də başlayacaq.

Digər xəbərlər