news-details
Xəbərlər

La Liqanın bərpası ilə bağlı açıqlama

"Leqanes"in baş məşqçisi Xavyer Aqirre İspaniya La Liqasının başlayacağı tarixlə bağlı açıqlama verib. "Marca"nın verdiyi xəbərə görə, futbol funksioneri ölkə çempionatının iyunun 20-də bərpa olunacağını söyləyib:

"Oyunlar şənbə və bazar günləri, həmçinin çərşənbə və cümə axşamı günləri təşkil ediləcək. Qalan 11 tur iyulun 26-na qədər bitəcək. La Liqa sadəcə mənə rəsmi məlumat verdi. Çox xoşbəxtəm, çünki artıq məşqləri planlaşdırdıq. Sabah toplanışa başlayacağıq".

Yarışın rəsmi nümayəndələrindən biri isə "Reuters"ə açıqlamasında Aqirrenin fikirlərinə belə münasibət bildirib: "La Liqanın bərpasının təsdiqlənmiş tarixi yoxdur. Əvvəlcə klublar məşqlərə qayıdacaq, daha sonra hökumətin qərarını gözləyəcəyik.Əgər razılıq verilsə, iyunda başlamağı planlaşdırırıq".

Qeyd edək ki, La Liqanın oyunları martın 12-də koronavirus pandemiyası üzündən dayandırılıb.

Digər xəbərlər