Koronavirus səbəbindən yarımçıq dayandırılan Almaniyanın II Bundesliqasında mövsüm bərpa olunub.
Azərbaycan millisinin futbolçusu Dmitri Nazarovun çıxış etdiyi "Ertsgebirge" klubu XXVI turda "Zandhauzen"i qəbul edib.
Qarşılaşma Aue təmsilçisinin 3:1 hesablı qalibiyyəti ilə yekunlaşıb. Nazarov komandasının qələbəsində pay sahibi olub. O, matçın 5-ci dəqiqəsində penaltidən vurduğu qolla komandasını önə keçirib.
Qeyd edək ki, "Ertsgebirge" hazırda 37 xalla 5-ci pillədədir.