Futbol üzrə Almaniya II Bundesliqasında XXVII tura start verilib.
Azərbaycan millisinin futbolçusu Dmitri Nazarovun formasını geyindiyi "Ertsgebirge" komandası "Nürnberq"in qonağı olub. Görüş 1:1 hesablı heç-heçə ilə yekunlaşıb.
Start heyətində yer alan 30 yaşlı oyunçu 51-ci dəqiqədə komandasını hesabda önə çıxarıb. O, bu mövsüm vurduğu qolların sayını 10-a çatdırıb. Nazarov 66-cı dəqiqədə yerini Filipp Tsulexnerə verib.
Bu nəticədən sonra xalını 38-ə çatdıran "Ertsgebirge" 5-ci, 30 xala malik "Nürnberq" isə 14-cü pillədə qərarlaşıb.
Dmitri Nazarov ötən tur "Zandhauzen"i 3:1 hesabı ilə yendikləri qarşılaşmada penaltidən fərqlənmişdi.