İtaliya Futbol Federasiyası (FIGC) yerli liqalarda əvəzetmə sayının artırılması ilə bağlı yeni qaydanı təsdiqləyib.
Qurumun rəsmi saytının verdiyi xəbərə görə, cari mövsümün bərpasından sonra klubların oyun ərzində 5 oyunçu dəyişikliyindən istifadə etməsinə icazə verilib.
Komandalar oyunun sürətini azaltmamaq məqsədilə əvəzetməni 3 dəfəyə həyata keçirməlidirlər.
Qeyd edək ki, İtaliya A Seriyası 20-21 iyunda XXV turdan təxirə salınmış qarşılaşmalarla bərpa olunacaq.
20 iyun
20:30. "Torino" - "Parma"
22:45. "Verona" - "Kalyari"
21 iyun
20:30. "Atalanta" - "Sassuolo"
22:45. "İnter" - "Sampdoriya"
XXVII turun oyunları 22 - 24 iyunda keçiriləcək. Çempionata avqustun 2-də yekun vurulacaq.