“Keşlə” klubu 4 futbolçusu ilə müqavilə müddətini uzadıb.
Klubun rəsmi saytının verdiyi məlumata görə, bunlar Ruslan Əmircanov, Tərlan Quliyev, Azər Salahlı və Vüsal İsgəndərlidir.
35 yaşlı Əmircanov, 28 yaşlı Quliyev, 26 yaşlı Salahlı müdafiəçi, 24 yaşlı İsgəndərli isə yarımmüdafiəçidir. Onlar növbəti mövsüm də paytaxt komandasının formasını geyinəcəklər.
“Keşlə” daha öncə Ruslan Qurbanov, Cabir Əmirli və kapitan Slavik Alxasovla yollarını ayırdığını açıqlamışdı.
