news-details
Xəbərlər

Avropa Liqası: Bütün 1/4 final cütləri məlum oldu

Avropa Liqasında 1/8 final mərhələsinə yekun vurulub. İkinci oyun günündə də 4 qarşılaşma keçirilib.

Şotlandiyada “Reyncers”i 3:1 hesabı ilə məğlub etmiş “Bayer” bu üstünlüyü Almaniyadakı oyunda da qoruyaraq növbəti mərhələyə yüksəlib.

“Sevilya” ilə “Roma” arasında ilk oyun pandemiya səbəbindən təxirə salındığından tərəflər cütün qalibini neytral meydanda – Almaniyada tək oyunda müəyyənləşdirib. İspaniya təmsilçisi 1/4 finala adlayıb.

Frankfurtda “Ayntraxt”ın qapısından 3 cavabsız top keçirmiş “Bazel” rəqibini İsveçrədə də məğlub edib.

Gecənin digər oyununda isə “Vulverhempton” Yunanıstan “Olimpiakos”unu qəbul edib. Minimal hesabla üstün olan İngiltərə təmsilçisi mərhələ adlayıb.

Avropa Liqası
1/8 finalın cavab oyunları

6 avqust

“Bayer” (Almaniya) – “Reyncers” (Şotlandiya) - 1:0
Qol: Dyabi, 51.
İlk oyun – 3:1

“Sevilya” (İspaniya) – “Roma” (İtaliya) - 2:0
Qollar: Reqilon, 22. En Nesiri, 44.
İlk oyun keçirilməyib

“Bazel” (İsveçrə) – “Ayntraxt” (Almaniya) - 1:0
Qol: Frey, 88.
İlk oyun – 3:0

“Vulverhempton” (İngiltərə) – “Olimpiakos” (Yunanıstan) - 1:0
Qol: R.Ximenes, 9-pen.
İlk oyun – 1:1.

UEFA Avropa Liqasında 1/4 finala yüksələn bütün komandaların adları müəyyənləşib:

"Vulverhempton" (İngiltərə) - "Sevilya" (İspaniya)
"Şaxtyor" (Ukrayna) - "Bazel" (İsveçrə)
"İnter" (İtaliya) - "Bayer" (Almaniya)
"Mançester Yunayted" (İngiltərə) - "Kopenhagen" (Danimarka)

Oyunlar 10-11 avqustda Almaniyanın 4 müxtəlif şəhərində təşkil olunacaq.

Digər xəbərlər