Bu gün UEFA Çempionlar Liqasında I təsnifat mərhələsinə start verilib. Azərbaycan çempionu "Qarabağ" Bakıda Şimali Makedoniyanın "Sileks" klubu ilə üz-üzə gəlib.
Tofiq Bəhramov adına Respublika Stadionunda keçirilən qarşılaşma saat 20:00-da başlayıb və "CBC Sport"la canlı yayımlanıb. Qarşılaşma Ağdam təmsilçisinin 4:0 hesablı qələbəsiylə yekunlaşıb.
"Qarabağ" Çempionlar Liqasında ardıcıl 7-ci mövsümdür çıxış edir. "Sileks" isə Şimali Makedoniya çempionu "Vardar"ın lisenziyadan keçməməsi səbəbindən gümüş medalçı kimi yarışa qatılır.
Qeyd edək ki, "Qarabağ" II təsnifat mərhələsində "Şerif" (Moldova) - "Fola Eş" (Lüksemburq) duelinin güclüsü ilə qarşılaşacaq.
UEFA Çempionlar Liqası
I təsnifat mərhələsi
18 avqust
"Qarabağ" (Azərbaycan) - "Sileks" (Şimali Makedoniya) - 4:0
Qollar: X.Romero, 11. D.Gerye, 40; 51. M.Emreli, 80.
Hakimlər: Yaroslav Kozık, Viktor Nijnik, Vladimir Korotin, Anatoli Abdula (hamısı Ukrayna)
Bakı. Tofiq Bəhramov adına Respublika Stadionu.