Bu gün Azərbaycan Premyer Liqasında 1-ci turun daha bir oyunu keçirilib. Son ölkə çempionu “Qarabağ” “Sabah”ı qəbul edib. Qarşılaşma "CBC Sport"la canlı yayımlanıb.
Komandalar indiyədək çempionatda 7 dəfə üz-üzə gəlmişdilər. Bunların 4-də "Qarabağ" qələbə qazanıbsa, 3 görüş heç-heçə başa çatmışdı. Budəfəki görüşdə də sevinən tərəf Ağdam klubu olub. Mahir Emreli dubl edərək "Qarabağ"a 3 xal qazanadırıb.
Azərbaycan Premyer Liqasında 2020/21 mövsümünə dünən start verilib. Açılış oyununda "Keşlə" səfərdə "Sumqayıt"ı 1:0 məğlub edib, "Neftçi" evdə "Səbail"dən üstün olub – 2:1.
Tura sabah keçiriləcək "Qəbələ" - "Zirə" matçı ilə yekun vurulacaq.
Azərbaycan Premyer Liqası
1-ci tur
22 avqust
"Qarabağ" - "Sabah" - 2:0
Qollar: M.Emreli, 45; 68.
Hakimlər: Rəhim Həsənov, Cəmil Quliyev, Eyyub İbrahimov, Rauf Allahverdiyev.
Bakı. “Azersun Arena”.