news-details
Xəbərlər

"Qarabağ" "Şerif" səddini də aşdı

"Qarabağ" bu gün UEFA Çempionlar Liqasında növbəti oyununu keçirib. Ağdam klubu II təsnifat mərhələsində Bakıda Moldova çempionu "Şerif"i qəbul edib.

Tofiq Bəhramov adına Respublika stadionunda saat 20:00-da start götürən matçı ukraynalı FIFA referisi Mikola Balakin idarə edib. "CBC Sport"la canlı yayımlanan görüşdə təmsilçimiz 2:1 hesablı qələbə qazanaraq 3-cü təsnifat mərhələsinə yüksəlib.

Bu, komandaların avrokuboklarda 5-ci dueli olub. Daha əvvəl 2017/2018 mövsümündə Çempionlar Liqasında, 2018/2019 mövsümündə isə Avropa Liqasında Tiraspol təmsilçisi ilə üz-üzə gəlmiş Azərbaycan çempionu hər iki halda rəqibini məğlub edərək növbəti mərhələyə adlamışdı.

UEFA Çempionlar Liqası

II təsnifat mərhələsi

26 avqust

"Qarabağ" (Azərbaycan) – "Şerif" (Moldova) - 2:1
Qollar: U.Matiç, 22-pen. M.Emreli, 63 - K.Velez, 78.
Hakimlər: Mikola Balakin, Viktor Matyaş, Sergey Pristupa, Andrey Kovalenko (hamısı Ukrayna)
Bakı. Tofiq Bəhramov adına Respublika stadionu

Digər xəbərlər