Azərbaycan Premyer Liqasında VI turun daha bir oyunu keçirilib.
"Sabah" "Səbail"i qəbul edib. Masazırdakı "Bank Respublika Arena"da təşkil olunan görüş meydan sahiblərinin 3:0 hesablı qalibiyyəti ilə başa çatıb.
İlk hissəsi qolsuz bitən qarşılaşmanın 78-ci dəqiqəsində Coşqun Diniyev hesabı açıb. 7 dəqiqə sonra Cavid İmamverdiyev fərqlənib. Matçda son nöqtəni isə 90+6-cı dəqiqədə 19 yaşlı Şakir Seyidov qoyub.
Bu mövsüm ilk qələbəsini qazanan "Sabah" xalını 5-ə çatdırıb və sonuncu yerdən qurtulub. "Səbail" isə 10 xalla ikinci sırada qalıb.