Cümə 29.03.2024

Teymur Rəcəbov - Dinq Liren finalının taleyi tay-breykdə həll olunacaq

Teymur Rəcəbov - Dinq Liren finalının taleyi tay-breykdə həll olunacaq

Azərbaycan şahmatçısı Teymur Rəcəbov Rusiyanın Xantı-Mansiysk şəhərindəki Dünya Kubokunda dördüncü - sonuncu final görüşünü keçirib.

Qrossmeysterimiz çinli rəqibi Dinq Lirenlə bu dəfə qara fiqurlarla üz-üzə gəlib. Qarşılaşma 31-ci gedişdə heç-heçə ilə yekunlaşıb. Ümumi hesabda (2:2) qalib müəyyənləşmədiyindən, sabah "tay-breyk" olacaq.

Qeyd edək ki, yarışın mükafat fondu 1,6 milyon dollardır. Qalib 110 min dollar, finalçı isə 80 min dollar qazanacaq. Teymur Rəcəbovla Dinq Liren həlledici görüşə vəsiqə qazanmaqla İddiaçılar Turnirində iştirak hüququ da əldə ediblər.