• Çərşənbə axşamı, 26 Yanvar 2021
news-details
Xəbərlər

“Keşlə” “Sabah”la, “Səbail” “Qarabağ”la bərabərə qaldı (Nəticələr)

Bu gün Azərbaycan Premyer Liqasında XI turun daha iki oyunu keçirilib.

İkinci oyun gününün açılış matçında "Keşlə" "Sabah"la üz-üzə gəlib. Komandalar indiyədək Premyer Liqada 7 dəfə üz-üzə gəlmişdilər. Bunların 4-də "Keşlə", 1-də qonaqlar meydanı 3 xalla tərk etmişdi. 2 görüşdə isə qalib müəyyənləşməmişdi. Budəfəki qarşılaşmada da bərabərlik qeydə alınıb.

Günün ikinci matçında "Qarabağ" "Səbail"in qonağı olub. Bu görüş tərəflərin çempionatda 12-ci dueli olub. Əvvəlki 11 matçın 10-da Ağdam klubu qələbəyə sevinmişdi. "Səbail" yalnız texniki qələbə sayəsində rəqibini məğlub edə bilmişdi. İki qolun qeydə alındığı bugünkü matçda tərəflər sülhə razılaşıblar.

XI tura noyabrın 30-da keçiriləcək "Sumqayıt" - "Qəbələ" matçı ilə yekun vurulacaq. İlk oyun günündə "Neftçi" evdə "Zirə" ilə qolsuz heç-heçə edib.

Azərbaycan Premyer Liqası, XI tur

29 noyabr

"Keşlə” – “Sabah” - 1:1
Qollar: S.M.Kolli, 85 – K.Kubemba, 60.
Qırmızı vərəqə: C.Kamara, 54.
Hakimlər: İnqilab Məmmədov, Cavanşir Yusifov, Rahil Ramazanov, Rəşad Əhmədov
“ASK Arena”

“Səbail” – “Qarabağ” - 1:1
Qollar: A.Yunanov, 57-pen – D.Gerye, 64.
Hakimlər: Elçin Məsiyev, Qəzənfər Məmmədov, Kamran Bayramov, Fərid Hacıyev
“ASCO Arena”

Digər xəbərlər