news-details
Xəbərlər

Turun yeganə qalibi “Qəbələ” oldu

Bu gün Azərbaycan Premyer Liqasında XI turun son görüşü keçirilib. "Kapital Bank Arena"da "Sumqayıt" "Qəbələ"ni qəbul edib.

Əslində bu oyunun noyabrın 28-də təşkili nəzərdə tutulmuşdu. Lakin bəzi futbolçuların COVID-19 testindən yenidən keçirilməsinə ehtiyac yarandığı üçün qarşılaşmanın 30 noyabra təxirə salınması qərara alınıb. Saat 16:00-da başlanan görüşün taleyini bir qol həll edib. Qonaqlar bu oyunda minimalhesablı qələbə qazanıblar.

Turun əvvəlki oyunlarında "Neftçi" "Zirə" ilə 0:0, "Keşlə" "Sabah"la və "Səbail" "Qarabağ"la 1:1 hesablı heç-heçə edib.

Azərbaycan Premyer Liqası, XI tur

30 noyabr (bazar ertəsi)

"Sumqayıt" - "Qəbələ" - 0:1
Qol: R.Utriq, 16
Hakimlər: Rəhim Həsənov, Namiq Hüseynov, Eyyub İbrahimov, Səbuhi Bayramov
Hakim-inspektor: Ramil Diniyev
AFFA nümayəndəsi: Asif Əliyev
"Kapital Bank Arena"

Digər xəbərlər