Voleybolçu kişilərdən ibarət Azərbaycan millisi Avropa Gümüş Liqasına hazırlıqlara start verib.
Komanda baş məşqçi Fərid Cəlalovun rəhbərliyi ilə bu gün GİN-in Voleybol Mərkəzində ilk məşqinə çıxıb.
Bakıda təşkil olunan məşqlərə yığmanın əsas heyət oyunçuları ilə yanaşı, gənclər də cəlb olunublar. Millimiz Avropa Gümüş Liqasında ilk oyunlarını iyunun 6-da və 8-də İsveçdə keçirəcək. Rəqiblərimiz meydan sahibi və Gürcüstan komandası olacaq.
İkinci tur iyunun 13-15-də Bakıda təşkil olunacaq. Millimiz Lüksemburq və Macarıstan yığmaları ilə qarşılaşacaq. İyun 20-22-də Farer adalarında təşkil olunacaq son turda isə millimiz ev sahibi ilə yanaşı, Avstriya yığmasına qarşı oynayacaq.
