Cümə 29.03.2024

Teymur Rəcəbov yarımfinala məğlubiyyətlə başladı

Teymur Rəcəbov yarımfinala məğlubiyyətlə başladı

Azərbaycan şahmatçısı Teymur Rəcəbov Çempionlar Turunun "Opera Euro Rapid" adlanan üçüncü mərhələsinin yarımfinalında ilk oyunlarını keçirib.

Qrossmeysterimiz ABŞ təmsilçisi Uesli So ilə üz-üzə gəlib. İlk partiyada qara fiqurlarla uduzan Rəcəbov növbəti görüşdə ağ fiqurlarla tarazlığı bərpa edib. Üçüncü partiya həmyerlimizin məğlubiyyəti ilə başa çatıb. Sonuncu qarşılaşmada isə heç-heçə qeydə alındığından, Rəcəbov ümumi hesabda rəqibinə uduzub - 1,5:2,5.

Yarımfinalın digər cütündə isə norveçli dünya çempionu Maqnus Karlsen fransalı Maksim Vaşye-Laqravı 2,5:0,5 hesabı ilə məğlub edərək üstünlük qazanıb.

Cütlüklər bu gün ən azı daha 4 görüş keçirəcəklər.

Turnirin ümumi mükafat fondu 100 min ABŞ dollarıdır. Qalib 30 min dollar qazanacaq.

"Opera Euro Rapid"

Yarımfinal

Uesli So (ABŞ) - Teymur Rəcəbov (Azərbaycan) - 2,5:1,5

Maqnus Karlsen (Norveç) - Maksim Vaşye-Laqrav (Fransa) - 2,5:0,5