AFFA İntizam Komitəsinin növbəti iclası keçirilib. Toplantıda Azərbaycan Premyer Liqasının XXIV turunun oyunları, ölkə kubokunun ilk yarımfinal matçlarında baş verən qayda pozuntuları müzakirə olunub. Qəbul olunmuş qərarları bunlardır:
Premyer Liqanın XXIV turunun “Keşlə” – “Səbail” oyununda meydan sahiblərinin 4 futbolçusu sarı vərəqə ilə cəzalandırıldığı üçün klub 800 manat cərimə olunub.
Premyer Liqanın XXIV turunun “Zirə” – “Sumqayıt” oyununda qonaq komandanın 5 futbolçusu sarı vərəqə ilə cəzalandırıldığı üçün klub 800 manat cərimə olunub.
Premyer Liqanın XXIV turunun “Sabah” – “Neftçi” oyununda meydan sahiblərinin 3 futbolçusu qırmızı vərəqə ilə cəzalandırıldığı üçün klub 4800 manat cərimə olunub.
Premyer Liqanın XXIV turunun “Sabah” – “Neftçi” oyununda meydan sahiblərinin 4 nömrəli futbolçusu Bəhlul Mustafazadə qeyri-idman hərəkətinə görə ikinci sarı vərəqə ilə meydandan kənarlaşdırıldığı üçün 1 oyun cəzalanıb, klub 200 manat cərimə olunub.
Premyer Liqanın XXIV turunun “Sabah” – “Neftçi” oyununda meydan sahiblərinin 13 nömrəli futbolçusu Filip İvanoviç qeyri-idman hərəkətinə görə ikinci sarı vərəqə ilə meydandan kənarlaşdırıldığı üçün 1 oyun cəzalanıb, klub 200 manat cərimə olunub.
Premyer Liqanın XXIV turunun “Sabah” – “Neftçi” oyununda meydan sahiblərinin 19 nömrəli futbolçusu Təmkin Xəlilzadə qeyri-idman hərəkətinə görə ikinci sarı vərəqə ilə meydandan kənarlaşarkən hakimi təhqir etdiyi üçün 4 oyun cəzalanıb, klub 3200 manat cərimələnib.
Premyer Liqanın XXIV turunun “Sabah” – “Neftçi” oyununda meydan sahiblərinin rəsmi şəxsi Miloş Jevtic barəsində araşdırılma aparılır.
Premyer Liqanın XXIV turunun “Sabah” – “Neftçi” oyununda qonaq komandanın 7 futbolçusu sarı vərəqə ilə cəzalandırıldığı üçün klub 800 manat cərimə olunub.
Premyer Liqanın XXIV turunun “Sabah” – “Neftçi” oyununda qonaq komandanın baş məşqçisi Samir Abasov oyundan sonra dava-dalaşa təhrik edici hərəkətlər etməsinə, aqressivlik göstərməsinə, mətbuat konfrası zamanı hakimin qərarlarını müzakirə etməsinə və qeyri-etik ifadələr işlətməsinə görə 2 oyun cəzalanıb, klub 4000 manat cərimə olunub.
Azərbaycan Kubokunun 1/2 final mərhələsinin “Keşlə” – “Zirə” oyununda qonaq komanda stadiona gələrkən gecikdiyi üçün klub 800 manat cərimə olunub.