UEFA Bakı Olimpiya Stadionunu təltif etdi - FOTO

UEFA-nın baş katibinin müavini Corco Marketti Bakı Olimpiya Stadionunu (BOS) təltif edib.

BOS Avropa çempionatında A qrupunun 3 oyunu arasında müddətin azlığına və isti hava şəraitinə baxmayaraq arenanın ot örtüyü ideal vəziyyətdə saxlanıldığı üçün mükafatlandırılıb.

Bu gün Bakı Olimpiya Stadionunda Çexiya və Danimarka komandaları arasında 1/4 final oyunu da təşkil ediləcək. Qarşılaşma saat 20:00-da başlayacaq.