FIFA referisi Əliyar Ağayev UEFA Avropa Konfrans Liqasının oyununa təyinat alıb.
UEFA Avropa Konfrans Liqasının üçüncü təsnifat mərhələsinin cavab oyunları çərçivəsində avqustun 12-də Lüksemburq şəhərindəki “Josiy Barthel” stadionunda keçiriləcək “Fola” (Lüksemburq) – “Linfild” (Şimali İrlandiya) qarşılaşmasının baş hakimi Əliyar Ağayev olacaq.
Ona Zeynal Zeynalov və Akif Əmirəli kömək edəcəklər. Dördüncü hakim funksiyasını Elçin Məsiyev yerinə yetirəcək.
Qarşılaşma Bakı vaxtı ilə 21:30-da start veriləcək. Bu komandalar arasındakı ilk oyunda Lüksemburq təmsilçisi 2:1 hesablı səfər qələbəsinə sevinib.