"Qarabağ" bu gün UEFA Avropa Konfrans Liqasının qrup mərhələsində növbəti oyununu keçirib. Ağdam klubu II turda Kiprdə "Omoniya"nın qonağı olub.
Nikosiyadakı GSP stadionunda oynanılan matç Bakı vaxtı ilə saat 23:00-da başlayın və "CBC Sport"la canlı yayımlanıb. Görüşü FIFA referisi Bobbi Maddenin rəhbərliyi altında Şotlandiyadan olan hakimlər briqadası idarə edib. 5 qolun qeydə alındığı matçda "Qarabağ" rəqibini məğlub edib.
H qrupunun digər görüşündə "Bazel" "Kayrat"ı qəbul edib. İsveçrə təmsilçisi bu görüşdə 4:2 hesabı ilə qələbə qazanıb.
İki turdan sonra “Qarabağ”la “Bazel” 4 xalla ilk iki pilləni bölüşür. “Kayrat”la “Omoniya”nın isə 1 xalı var.
UEFA Konfrans Liqası
H qrupu
"Omoniya" (Kipr) - "Qarabağ" (Azərbaycan) - 1:4
Qollar: Y.Letsyaks, 40 – K.Malinovski, 52; 90+4. R.Şeydayev, 73. M.Medvedev, 79-pen.
Baş hakim: Bobbi Madden (Şotlandiya)
Nikosiya. GSP stadionu.