Bu gün 2022-ci il dünya çempionatının Avropa zonası üzrə seçmə mərhələsində VII tura start verilib.
İlk oyun günündə E, G, H və J qruplarında ümumilikdə 11 qarşılaşma keçirilib. Bütün görüşlər Bakı vaxtı ilə saat 22:45-də başlayıb.
G qrupunda Türkiyə millisi Şenol Güneşin gedişindən sonra yeni baş məşqçisi Ştefan Kuntsun rəhbərliyi altında ilk oyununa çıxıb. "Ay-ulduzlular" Norveçi qəbul edib. "CBC Sport"la canlı yayımlanan görüşdə hesabı Türkiyə açsa da, üstünlüyünü sonadək qoruya bilməyib.
DÇ-2022-nin seçmə mərhələsi, VII tur
8 oktyabr
E qrupu
Estoniya – Belarus - 2:0
Qollar: Sorqa, 58. Zenyov, 90+3.
Çexiya – Uels - 2:2
Qollar: Peşek, 38. Uard, 49 (avtoqol) – Remsi, 36. D.Ceyms, 69.
G qrupu
Cəbəllütariq – Monteneqro - 0:3
Qollar: Maruşiç, 7. Beqiray, 44; 68.
Latviya – Niderland - 0:1
Qol: Klaassen, 19.
Türkiyə – Norveç - 1:1
Qollar: K.Aktürkoğlu, 6 – Torstvedt, 41.
H qrupu
Malta – Sloveniya - 0:4
Qollar: İliçiç, 27; 60. Şporar, 50. Sesko, 67.
Kipr – Xorvatiya - 0:3
Qollar: Perişiç, 45+2. Qvardiol, 80. Livaya, 90+2.
Rusiya – Slovakiya - 1:0
Qol: Şkrinyar, 24 (avtoqol)
J qrupu
Lixtenşteyn – Şimali Makedoniya - 0:4
Qollar: Velkovski, 39. Alioski, 66-pen. Nikolov, 74. Çurlinov, 83.
İslandiya – Ermənistan - 1:1
Qollar: Yohannesson, 77 – Hovhannisyan, 35.
Almaniya – Rumıniya 2:1
Qollar: Qnabri, 52. Müller, 81 – Haci, 9.