Bu gün futbol üzrə Azərbaycan Premyer Liqasında XI tura start verilib. İlk oyun günündə bir qarşılaşma keçirilib.
23 xalla lider olan "Qarabağ" 10 xalla 6-cı sırada qərarlaşan "Keşlə"ni qəbul edib.
Komandalar indiyədək ölkə çempionatlarında 67 dəfə üz-üzə gəlmişdilər. Bunların 31-də Ağdam klubu, 13-də isə "Keşlə" qələbə qazanmışdı. 23 qarşılaşmada ilə qalib müəyyənləşməyib. Budəfəki oyunun taleyini bir qol həll edib. Ramil Şeydayev "Qarabağ"a qələbə qazandırıb.
Turun "Zirə" - "Səbail" və "Neftçi" - "Sabah" oyunları noyabrın 20-də, "Qəbələ" - "Sumqayıt" qarşılaşması isə noyabrın 21-də keçiriləcək.
Azərbaycan Premyer Liqası, XI tur
19 noyabr (cümə)
“Qarabağ” – “Keşlə” - 1:0
Qol: R.Şeydayev, 49.
Hakimlər: Kamal Umudlu, Müslüm Əliyev, Kamran Bayramov, Kamranbəy Rəhimov
Hakim-inspektor: Munis Abdullayev
AFFA nümayəndəsi: Bəhram Qurbanov
“Azersun Arena”