Mövsümün ikinci yarısının hazırlığını davam etdirən “Qəbələ” qış fasiləsində ilk transferini gerçəkləşdirib. “Qırmızı-qaralar” Patrik Robson de Souza Monteyronu heyətinə qatıb.
Braziliyalı hücumçu Avstriyanın “Admira” klubundan icarəyə götürülüb. Klubdan verilən məlumata görə, 24 yaşlı cənubi amerikalı 1,5 il “Qəbələ”nin formasını geyinəcək.
Braziliyada “Amerika” (Rio-de-Janeyro), “Bonsusesso”, “Friburquense”nin yeniyetmə və gənclərdən ibarət komandalarında çıxış edən Patrik peşəkar karyerasına Avstriyada başlayıb. 2020/21 mövsümündə “Horn”da çıxış edən forvard ötən ilin yayında “Admira”ya keçib.