İsveçrənin Sankt Morits şəhərində qarüstü polo üzrə 37-ci dünya kuboku start götürüb.
6 komandanın iştirak etdiyi nüfuzlu turnirdə Azərbaycanı "Land of Fire" komandası təmsil edir. Elçin Camallının rəhbərlik etdiyi kollektiv ilk görüşündə "Pier Jüe" klubu ilə qarşılaşıb və rəqibinə 7:2,5 hesabı ilə qalib gələrək yarımfinala yüksəlib.
"Land of Fire" komandası yanvarın 29-da yarımfinal oyununa çıxacaq. Rəqib bugünkü qarşılaşmalardan sonra məlum olacaq.
Qeyd edək ki, turnir yanvarın 30-dək davam edəcək. Təmsilçimizin oyunları "CBC Sport"la canlı yayımlanır.