"Qarabağ" bu gün UEFA Avropa Konfrans Liqasının pley-off mərhələsində cavab oyununa çıxıb.
Ağdam klubu Fransanın "Marsel" klubunu qəbul edib. Tofiq Bəhramov adına Respublika stadionunda oynanılan görüşün baş hakimi polşalı Bartoş Frankovski olub.
Marseldəki ilk oyunda rəqibinə 1:3 hesabı ilə uduzan Ağdam klubu mərhələni keçmək üçün ən azı 3 top fərqi ilə qalib gəlməli idi. Ancaq "Qarabağ" yenə məğlubiyyətlə üzləşib. Yenə qapısında 3 qol görən təmsilçimiz UEFA Avropa Konfrans Liqasında mübarizəni dayandırıb.
UEFA Konfrans Liqası, pley-off mərhələsi
Cavab oyunu
24 fevral
"Qarabağ" (Azərbaycan) - "Marsel" (Fransa) - 0:3
Qollar: P.Qeye, 12. M.Genduzi, 77. K.D.La Fuente, 90+2
Hakimlər: Bartoş Frankovski, Martsin Bonek, Yakub Vinkler, Kjiştof Yakubik (hamısı Polşa)
Tofiq Bəhramov adına Respublika stadionu
İlk oyun - 1:3