Bu gün futbol üzrə Azərbaycan Premyer Liqasında XXII turun son iki oyunu keçirilib.
Günün ilk matçında "Sumqayıt" lider "Qarabağ"ı qəbul edib. Tərəflərin son 7 oyununda “Qarabağ” uduzmur. “Gənclik şəhəri” təmsilçisi son üç matçda xal qazanmayıb. Budəfəki dueldə də sevinən Ağdam təmsilçisi olub.
Tura "Səbail" - "Qəbələ" görüşü ilə yekun vurulub. Bölgə təmsilçisi qalib gələcəyi təqdirdə, 3-cü pilləyə yüksələcəkdi. Ancaq "qırmızı-qaralar" autsayderlə görüşdə məğlubiyyətlə üzləşib. "Səbail" 2022-ci ildə ilk qələbəsini qazanıb.
İlk oyun günündə "Neftçi" səfərdə "Şamaxını" 2:1, "Sabah" isə evdə "Zirə"ni 3:1 hesabı ilə üstələyib.
Azərbaycan Premyer Liqası, XXII tur
10 aprel (bazar)
“Sumqayıt” – “Qarabağ” - 0:3
Qollar: K.Borges, 16. M.Veşoviç, 67. L.Andrade, 69
Hakimlər: Əliyar Ağayev, Zeynal Zeynalov, Akif Əmirəli, Rauf Allahverdiyev
Hakim-inspektor: Asim Xudiyev
AFFA nümayəndəsi: Eldəniz Musayev
Kapital Bank Arena.
“Səbail” – “Qəbələ” - 3:0
Qollar: A.Nağıyev, 41. N.Raysel, 67. İ.Aslanlı, 73
Hakimlər: Vüqar Həsənli, Cəmil Quliyev, Rəhman İmami, Rəvan Həmzəzadə
Hakim-inspektor: İmanxan Sultani
AFFA nümayəndəsi: Ramiz Mustafayev
ASCO Arena.