Bu gün Azərbaycan millisi UEFA Millətlər Liqasının yeni mövsümündə ilk oyununu keçirib. Canni De Byazinin çalışdırdığı komanda C Liqasında 3-cü qrupun I turunda Qazaxıstanın qonağı olub.
Nur–Sultandakı "Astana Arena"da oynanılan matçı İştvan Vadın rəhbərliyi ilə macarıstanlı hakimlər idarə edib. Görüş meydan sahiblərinin qələbəsi ilə yekunlaşıb - 2:0. Hər iki qolu Abat Aymbetov vurub.
Azərbaycan millisi tarixində indiyədək Qazaxıstanın əsas komandası ilə 9, U-21 yığması ilə 1 oyun keçirib. 10 qarşılaşmanın 4-də yığmamız məğlub olub, eyni sayda heç-heçə edib, cəmi 2 dəfə qələbə qazanıb.
UEFA Millətlər Liqası
C Liqası, 3-cü qrup
Qazaxıstan - Azərbaycan - 2:0
Qollar: Abat Aymbetov, 50; 60
Baş hakim: İştvan Vad
Qazaxıstan. Nur-Sultan. "Astana Arena"