Minifutbol üzrə Azərbaycan millisi bu gün Slovakiyanın Koşitse şəhərində keçirilən Avropa çempionatında final oyununa çıxıb.
Elşad Quliyevin baş məşqçi olduğu komanda həlledici matçda 6 qat qitə çempionu Rumıniya yığması ilə üz-üzə gəlib. Qarşılaşmanın taleyini bir qol həll edib.
Görüşdə yeganə qolu 25-ci dəqiqədə Seymur Məmmədov vurub. Bununla da Azərbaycan millisi tarixində ilk dəfə qitə çempionu olub.
Üçüncü yer uğrunda görüşdə isə Bolqarıstan Qazaxıstanı 4:1 hesabı ilə yenib.