Cümə 29.03.2024

Azərbaycanı Böyük Dəbilqədə 11 cüdoçu təmsil edəcək

Azərbaycanı Böyük Dəbilqədə 11 cüdoçu təmsil edəcək

Beynəlxalq Cüdo Federasiyasının təqviminə əsasən növbəti Böyük Dəbilqə turniri Macarıstanın paytaxtı Budapeştə keçiriləcək.

8-10 iyul tarixlərində keçiriləcək turnirə dünyanın 63 ölkəsindən 434 idmançı qatılacaq. Performans direktoru Mark van der Ham, baş məşqçi Riçard Trautman, məşqçilər Zaur Babayev və Mehman Əzizovun rəhbərliyi altında Azərbaycan yığmasının 11 üzvü iştirak edərək, medallar və reytinq xalları uğrunda mübarizə aparacaqlar:

Turnirdə Azərbaycanı Əhməd Yusifov, Rövşən Əliyev (hər ikisi 60 kq), Yaşar Nəcəfov, İbrahim Əliyev (hər ikisi 66 kq), Rüstəm Orucov, Hidayət Heydərov (hər ikisi 73 kq), Səid Mollayi, Zelim Tçkayev (hər ikisi 81 kq), Məmmədəli Mehdiyev (90 kq), Elmar Qasımov (100 kq) və Uşanqi Kokauri (+100 kq) təmsil edəcək.

Böyük Dəbilqə turniri "CBC Sport"la canlı yayımlanacaq.