Azərbaycanın MMA döyüşçüsü Tofiq Musayev dünyanın ən məşhur turnirlərindən biri olan “Bellator”da debüt edib.
Vaşinqtonda yüngül çəkidə (70 kq-a qədər) rinqə çıxan idmançının rəqibi ABŞ təmsilçisi Sidney Autlou olub. Tofiq rəqibini ilk raundda 27 saniyəyə nokaut edib.
Musayev döyüşdən sonra fikirlərini bildirib: "Əvvəlki müsahibəmdə də demişdim ki, döyüş vaxtından tez qurtaracaq. Sevindirici haldır ki, vaxtından əvvəl qələbə qazandım. Reytinqdə 1-ci yerdə gedirdi. Düşünürdüm ki, döyüşümüz maraqlı olacaq. Belə olub-olmadığını tamaşaçılar deyə bilər. Artıq təlim-məşq toplanışı haqqında fikirləşirik. Hazırlıq keçəndən sonra məşqçilər heyəti və menecerim məsləhət görərsə, növbəti aylarda döyüşməyə hazıram".
Hazırda 32 yaşlı döyüşçümüzün hesabında 19 qələbə və 4 məğlubiyyət var.