Xəbərlər

Xəbərlər

Çempionlar Liqası: "Qarabağ" III təsnifat mərhələsində

• 28 İyul 00:28

"Qarabağ" bu gün UEFA Çempionlar Liqasının II təsnifat mərhələsində cavab oyununa çıxıb.

Ağdam klubu İsveçrədə "Sürix"lə qarşılaşıb. "Letsiqrund" stadionunda oynanılan görüşü niderlandlı FIFA referisi Allard Lindhaut idarə edib.

Bakıdakı ilk qarşılaşmada rəqibinə 3:2 hesabı ilə qalib gələn "Qarabağ" səfərdə 2:2 bərabərə qalıb. İki oyunun nəticəsinə əsasən 5:4 üstün olan təmsilçimiz ÇL-də III təsnifat mərhələsinə yüksəlib.

"Qarabağ" III təsnifat mərhələsində "Ferentsvaroş"la (Macarıstan) üz-üzə gələcək. "Sürix" isə UEFA Avropa Liqasının III təsnifat mərhələsində "Budyo Qlimt"lə (Norveç) görüşəcək.

UEFA Çempionlar Liqası

II təsnifat mərhələsi, cavab oyunu

27 iyul

"Sürix" (İsveçrə) - "Qarabağ" (Azərbaycan) - 2:2
Qollar: M.Medvedev, 4 (avtoqol), İ.Santini, 90+6 – K.Borges, 56. K.Ovusu, 98
Hakimlər: Allard Lindhaut, Çarlz Şaap, Roy de Nas, Yerun Manshot (Niderland)
Sürix, "Letsiqrund" stadionu.
İlk oyun - 2:3