UEFA Çempionlar Liqasının III təsnifat mərhələsində "Qarabağ"la qarşılaşacaq "Ferentsvaroş" klubu Macarıstan çempionatında mübarizəyə başlayıb.
Budapeşt təmsilçisi "Puşkaş Akademiyası" komandası ilə ev oyununda 1:0 hesablı qələbəyə sevinib. Yeganə qolu 90+4-cü dəqiqədə Kristof Zakariassen vurub.
"Qarabağ" "Ferentsvaroş"la ilk oyununu avqustun 3-də evdə, cavab matçını avqustun 9-da səfərdə keçirəcək.
UEFA Avropa Konfrans Liqasının 3-cü təsnifat mərhələsində "Neftçi"nin rəqibi olan "Papid" isə Avstriya Bundesliqasında 2-ci turun oyununa çıxıb. Səfərdə “Klagenfurt”la qarşılaşan Vyana təmsilçisi 1:0 hesablı qələbəyə sevinib. Qarşılaşmadakı yeganə qolu 66-cı dəqiqədə penaltidən Quido Burqstaller vurub.
“Rapid” növbəti oyununu avqustun 4-də Bakıda “Neftçi”yə qarşı keçirəcək. Cavab qarşılaşması ayın 11-də Vyanada baş tutacaq.
Hər iki təmsilçimizin oyunları "CBC Sport"la canlı yayımlanacaq.