Avropa Liqasının qrup mərhələsinin sonuncu - VI turu çərçivəsində keçiriləcək "Qarabağ" - "Düdelanj" görüşünün hakimləri müəyyənləşib. Qarşılaşmanı Estoniyadan olan hakimlər briqadası idarə edəcək.
Matçda ədalət təmsilçisi Kristo Tohver olacaq. Ona Silver Koiv və Sten Klaasen kömək edəcəklər. Qarşılaşmada 4-cü hakim funksiyasını Juri Frişer yerinə yetirəcək.
Qeyd edək ki, dekabrın 12-də Tofiq Bəhramov adına Respublika Stadionunda keçiriləcək görüş 21:55-də başlayacaq və "CBC Sport"la canlı yayımlanacaq.