Bu gün Misli Premyer Liqasında qış fasiləsi başa çatıb. XIX turun açılış oyunu Gəncədə keçirilib.
Autsayderlər zonasında qərarlaşan “Kəpəz” “Qəbələ”ni qəbul edib. Oyun məhsuldar heç-heçə ilə yekunlaşıb. İkinci hissəyə 2:0 öndə çıxan meydan sahibləri üstünlüklərini sona qədər qoruya bilməyiblər. "Qəbələ" məğlubiyyətdən xilas olmağı bacarıb.
XIX turun digər oyunları yanvarın 25-də və 26-da keçiriləcək. Ayın 25-də “Qarabağ” “Turan Tovuz”un (14:00), “Sumqayıt” “Zirə”nin (16:30) qonağı olacaq, ertəsi gün “Şamaxı” “Səbail”i (14:00), “Sabah” isə “Neftçi”ni (19:00) qəbul edəcək.
Bütün oyunlar "CBC Sport"la canlı yayımlanacaq.
Misli Premyer Liqası
XIX tur
24 yanvar (çərşənbə axşamı)
“Kəpəz” – “Qəbələ” - 2:2
Qollar: A.Ayzaya, 18-pen. M.Junior, 42-pen - R.Renato, 63. Ü.İsgəndərov, 79.
Hakimlər: Elçin Məsiyev, Pərvin Talıbov, Şirmamed Mamedov, Rövşən Rəcəbov
VAR: Rauf Allahverdiyev
AVAR: Elşad Abdullayev
Hakim inspektor: Vüsal Əliyev
AFFA nümayəndəsi: Emin Cəfərov
Gəncə şəhər stadionu