"Qarabağ" Albaniya millisinin futbolçusu Redon Cicanın transferini açıqlayıb.
Ağdam klubundan verilən məlumata görə, son olaraq ölkəsinin "Tirana" komandasında çıxış edən hücumameyilli yarımmüdafiəçi ilə 2026-cı il iyunun 30-dək müqavilə imzalanıb.
Qeyd edək ki, Redon Cica karyerasında yalnız öz ölkəsində çıxış edib. "Şkendiya"nın yetirməsi olan futbolçu 2017-ci ildə "Laçi"yə keçib və 4 mövsüm bu komandanın şərəfini qoruyub.
O, 2021-ci ildən formasını geyindiyi "Tirana"da 49 oyuna 29 qol vurub.
