Misli Premyer Liqasında XXVI tur davam edir. Bu gün daha iki oyun keçirilib.
Günün ilk matçı Tovuzda baş tutub. “Qəbələ” “Turan Tovuz”un qonağı olub. Qarşılaşmada qalib müəyyənləşməyib - 1:1.
Lider “Qarabağ” autsayder “Səbail”i sınağa çəkib. Rəqibi üzərində son 4 oyunda qələbə qazanan Ağdam klubu uğurlu seriyanı bu matçda da davam etdirib. "Qarabağ" 3 cavabsız qolla qalib gəlib.
Qeyd edək ki, turun ilk oyun günündə “Kəpəz”lə “Zirə” heç-heçə (1:1) edib, “Sabah” öz meydanında “Sumqayıt”a 4:0 hesabı ilə qalib gəlib. Tura sabah keçiriləcək “Şamaxı” – “Neftçi” görüşü ilə yekun vurulacaq.
Misli Premyer Liqa
XXVI tur
11 mart (şənbə)
“Turan Tovuz” – “Qəbələ” - 1:1
Qollar: R.Eva, 19-pen - F.Santos, 39.
Hakimlər: Rauf Cabarov, Pərvin Talıbov, Zöhrab Abbasov, Emin Əliyev
Hakim-inspektor: Ömər Paşayev
AFFA nümayəndəsi: Maşallah Əhmədov
Tovuz şəhər stadionu
“Qarabağ” – “Səbail” - 3:0
Qollar: E.Cəfərquliyev, 24. M.Qurbanlı, 34. J.Romao, 53.
Hakimlər: Rəvan Həmzəzadə, Cəmil Quliyev, Rahil Ramazanov, Şamil İmanzadə
Hakim-inspektor: Ramil Diniyev
AFFA nümayəndəsi: Rüfət Əmirov
“Azersun Arena”
